فضفضه

مريم مدحت ” مدرسة ابنى لقدام ” الحلقه التانية: الإحتياجات النفسيه من سنه إلى 3 سنوات
February 8, 2017
Parenting Formula Workshops
March 6, 2017
Show all

فضفضه

إبنى نازل من الباص🚌 و مشرفة الاتوبيس 🙎🏻 بتقولى ادم ضرب اياد بالبوكس👊🏻 فى وشه.😳
انا محرجه و مستغربه جدا!!😤 عارفه ان ابنى شقى شويه بس مش لدرجة يضربه فى وشه. 😵
ببص لادم راح باصصلى بصه مليانه كلام “ماتصدقيهاش. هتعمليلى ايه؟ أصحابى باصيين من الشباك و كلام كتير تانى. “
كل ده طبعا و الشارع واقف🚦 و المشرفه بتقول لنفسها 🙅🏻 “انتى مش هتهزئيه بسرعه و تعتذريلى عشان نمشى؟”
طلبت منها يركنوا قدام عشان افهم الموقف أكتر. تأفأفت😤 و بعدين وافقت. قولتلها أكيد ادم ماقامش من نفسه كده و ضرب أياد. أيه اللى حصل؟ قالتلى كانوا بيلعبوا و أياد راح معيط😭 و قال انه ضربوا 👊🏻 و لما سألت ادم مأنكرش. طلبت من أدم انه يشرحلى اللى حصل قالى كنّا يا ماما بنلعب طوبه⚪ ورقه📄مقص✂ (اللعبه متغيرتش لسه من وقت جيلنا😁) و هو الشيبسى بتاعه وقع فوطى يجيبه فجأه و أنا بعمل طوبه⚪ فجت فوشه. الدنيا نوّرت💡 فجأه و قلت أوكى أستعنّا عالشقى بالله و بصيت للمشرفه و قلتلها لسه شايفه انه ضربه بالبوكس؟ تنّحت حبتين😐 و قالتلى أعمل ايه طيب يا مدام الاولاد أشقياء !
سألت أدم إذا أعتذر لاياد قالى أه و ممكن اقوله سورى تانى قلتلوا دى تبقى حاجه جميله منك🙂 و أعتذر و مشينا و هو رافع راسه و هو مبسوط😃 بيقول “ماما صدقتنى و مأحرجتنيش قدام اصحابى و الميس” و المشرفه🙎🏻 بتقول لنفسها “واضح انها مش من الامهات اللى هتزعق للطفل و تخليه يخاف منى و لازم أغير الطريقه معاها.” 😉
مش كل مره طبعا بنقدر نحافظ على هدوؤنا 😇و سلامنا بس بشجّعنا 💪🏻نحاول دايماً نفهم المواقف صح عشان نتعامل صح👍🏻😊