تربية الأطفال👬 و zara 👗👚

أوووف 😤 نسيت التليفون📱
March 6, 2017
مشاركه قصه
March 7, 2017
Show all

تربية الأطفال👬 و zara 👗👚

تسألني ايه العلاقه؟🤔
اقولك يا سيدى مثلا:
كلاكيت 1 : فى المول🏢 رايحين نتغدى🍲 و طبعا عينى زاغت👀 و دخلت zara انا و جوزى👨🏻عجبني بنطلون👖 بصيتله (الزوج) بصلى و قال : وحش و انا مش شارى بنطلونات و احنا مش نازلين نعمل شوبنج اصلا😡 يالا عالمطعم.
كلاكيت 2: فى المول🏢 رايحين نتغدى🍲 و طبعا عينى زاغت👀 و دخلت zara انا و جوزى👨🏻عجبني بنطلون 👖بصيتله (الزوج) بصلى و قال : حلو قوى😍 و هيبقى جامد عليكى و الصراحه معنديش نيه اشترى النهارده. تحبى تأكلى ايه؟
فى الحالتين ما اشترتش البنطلون👖 لكن مشاعرى فى الكلاكيت الاول غضب😡 و زعل😟 و عند😠 و خطط هاجى اجيبه لوحدى امتى و هو ليه بايخ كده و مش حاسس بيا؟😞
مشاعرى فى كلاكيت 2 تنهيده طويله😏 (مع تمنيات😇 انى كنت فعلا اجيب البنطلون) بدون غضاضه منه كشخص او مشاعر سلبيه➖.
نطبق بقا على تربية الاطفال👦🏻👧🏻 يا ستى. ايه اللى حصل فى الكلاكيت التانى؟ حصل حاجه اسمها تأكيد المشاعر validating feelings🎭 اللى هيا ايه؟ اللى هى انه معاه حق يحس كده و انا حاسه بيه.
نطبق الكلام اللطيف ده ازاى بقى؟ 🤔
ابنى مش عايز يرّوح من عند تيتا👵🏻 او من النادى 🚴🏻
كلاكيت 1 : انا كده مش هجيبك تانى . احنا كل يوم نفس الخناقه؟😠 لازم نمشى ورانا واجبات. انا همشى و اسيبك.
كلاكيت 22: انا عارفه انك عايز تلعب تانى انا كمان نفسى اقعد مع صحابى اكتر و لازم نمشى ورانا حاجات تحب نيجى تانى امتى؟ طب ممكن تاخد التيليفون📱 تعمل alarm لبعد بكره ان ده يوم النادى عشان مننساش و تعالى نفكر هنتعشى🍞🍳 ايه عشان لو ناقصنا حاجه نعدى نجيبها (كل ده و احنا طالعين من النادى )